Маҷлиси ҷамъбастии фаъолияти Кумитаи иҷроияи ҲХДТ дар ноҳияи Носири Хусрав рӯзи 8-уми январ баргузор гардид. Дар он фаъолон ҷонибдорон, аъзои Кумитаи иҷроия, раисони ташкилотҳои ибтидоии ҳизб, вакилони Маҷлиси вакилони халқи ноҳия иштирок намуда, ҳисоботи раиси КИ ҲХДТ дар ноҳия Алиева С. дар соли 2018 шунида муҳокима намуда, вазифаҳои ҳизбиёни ноҳияро барои соли 2019 муайян намуданд.
Раиси Кумитаи иҷроияи ҲХДТ дар ноҳия зимни ҷамъбасти кори маҷлиси кумитаи иҷроия дастуру супоришҳои аз маҷлиси васеи Раёсати Кумитаи иҷроия ҲХДТ дар вилояти Хатлон аз 3 январи соли 2019 ба миёнгузошта ёдовар шуда, аъзои Кумитаи иҷроия, раисони ташкилотҳои ибтидоӣ ҳизбро даъват ба амал овард, ки ҳар кадоми онҳо дар иҷрои онҳо саҳмгузор бошанд.
Дар маҷлиси Кумитаи иҷроия намояндаи Кумитаи иҷроияи ҲХДТ дар вилояти Хатлон сармутахасиси шуъбаи кор бо ҷавонон Саидов Ҳусейн иштирок ва баромад намуд.
Аз рафти баргузории маҷлиси Кумитаи иҷроия аксҳо бардошта шуд.
Раиси КИ ҲХДТ дар ноҳияи
Носири Хусрав С. Алиева
