Дар доираи Соли шинохти бештари манфиатҳои миллӣ. Дар ташкилоти ибтидоии “Маорифчиён”-и Ҳизби Халқии Демократии Тоҷикистон дар ноҳияи Носири Хусрав машварати августии омӯзгорони ноҳия баргузор гардид.
Дар машварат узви Кумитаи иҷроияи ноҳиявь ва вилоятии ҲХДТ, раиси ноҳия, муовини соҳавии раиси ноҳия, мақомоти ҳифзи ҳуқуқ директорону омӯзгорони муассисаҳои таълимии ноҳия иштирок доштанд.
Мудири шуъбаи маорифи ноҳия оид ба фаъолияти кормандони соҳа ва баланд бардоштани сатҳи касбияти омӯзгор, беҳтар намудани сифати таълиму тарбия маълумоти муфассал пешниҳод намуд.
Раиси ноҳияи Носири Хусрав Нишонзода Даврон баромад намуда, оид ба фаъолияти сохтор ва чораҳои андешидаи Мақомоти иҷроияи ҳокимияти давлатии ноҳия ҷиҳати баланд бардоштани сифати таълиму тарбия, иштироки фаъолона дар Олимпиадаҳои вилоятию ҷумҳуриявӣ муфассал суханронь карда, цайд намуд, ки дар пеш маъракаи муҳими сиёсӣ - интихоботи Президенти Ҷумҳурии Ҷумҳурии Тоҷикистон истодааст. Дар баргузор намудани интихобот саҳми кормандони маориф нисбат ба дигар сохторҳо хеле зиёд мебошад, чунки зиёии пешқадам дар деҳот ин омӯзгор мебошад. Аз ин лиҳоз омӯзгоронро лозим ва зарур аст, ки дар ҳайати комиссияҳои интихоботӣ интихоб шудаед пеш аз ҳама барои шаффофу демократӣ дар доираҳои қонун баргузор намудани он саҳми худро гузоред.
Дар машварат ба як гурӯҳ омӯзгорони фаъол ифтихорномаҳои Мақомоти иҷроияи ҳокимияти давлатии ноҳия, иттифоқи касабаи кормандони соҳаи маориф ва Кумитаи иҷроияи ҲХДТ дар ноҳия тақдим карда шуд.
Бознашр аз сомонаи: http://hhdtkhatlon.tj/node/21573
