Мақомоти иҷроияи ҳокимияти давлатии ноҳияи Носири Хусрав бахшида ба 20-солагии Фармони Президенти Ҷумҳурии Тоҷикистон аз 3 декабри соли 1999, №5 «Дар бораи баланд бардоштани мақоми зан дар ҷомеа» озмуни «Бонуи сарвар»-ро дар Ҷамоати деҳоти «Наврӯз»-и ноҳияи Носири Хусрав бо фарогирии ҷавондухтарон ва хонандагони муассисаҳои таҳсилоти миёнаи умумии ноҳия дар таърихи 26.11.2019 баргузор намуд.
Мақсад аз баргузории озмуни «Бонуи сарвар» сайқал додани донишу маҳорати ҷавондухтарон, баланд бардоштани маърифати ҳуқуқии онҳо, ҷалби духтарон ба касбомӯзӣ, дарёфти чехраҳои ҳунар, тарбияи ҷавондухтарон дар рӯҳияи ватанпарварию меҳнатдӯстӣ ва тарғиби расму оинҳои миллӣ мебошад.
